Xherdan Shaqiri var hetja Liverpool í 3-1 sigri á erkifjendunum í Manchester United í gær en hann kom inn á sem varamaður og tryggði sigurinn með tveimur mörkum.
Liverpool átti samtals 36 markskot í leiknum á móti sex skotum Manchester United.
Allir útileikmenn Liverpool áttu meðal annars marktilraun í leiknum.
„Ég var ekki hissa á þessu," sagði Shaqiri aðspurður út í tölfræðina eftir leik.
„Við vitum að Manchester United spilar varnarsinnað. Þeir halda boltanum ekki mikið og það var mikilvægt að spila með háa ákefð, pressa þá hátt, ná seinni boltunum og spila hratt fram á við til að skapa færi."
Athugasemdir
