Hamsik er 31 árs gamall og hefur verið gagnrýndur á tímabilinu enda í öðru hlutverki hjá félaginu eftir komu Carlo Ancelotti.

Hamsik var í byrjunarliði Napoli sem tapaði 1-0 fyrir Liverpool og datt þannig út í riðlakeppni Meistaradeildarinnar. Hann var gagnrýndur harkalega fyrir sinn þátt í tapinu og skrifaður af mörgum sem skúrkurinn.

„Marek er að gera vel þrátt fyrir að fólk sé að segja að hann hafi verið verstur á vellinum gegn Liverpool," sagði Venglos við Radio Crc.

„Fólk sem gagnrýnir hann pælir ekki í þessari ótrúlegu pressu hjá Liverpool sem gefur miðjumönnum engan tíma á boltanum.

„Það er eins og sumt fólk átti sig ekki á því að hlutverk hans hefur breyst hjá Napoli, hann er í allt öðru hlutverki en áður. Þeir sem gagnrýna hann skilja ekki fótbolta."