Mynd: Getty Images

Norwich og Blackburn áttust við í umspilsbaráttu Championship deildarinnar í dag sem var jafnframt síðasti leikur dagsins.

Leikurinn fór illa af stað fyrir heimamenn þar sem Ben Gibson varð fyrir því óláni að setja boltann í eigið net eftir aukaspyrnu strax á fjórðu mínútu.

Norwich var með völdin á vellinum en átti í erfiðleikum með að skapa sér góð marktækifæri gegn þéttu liði gestanna.

Heimamenn fengu tækifæri til að jafna en færanýtingin var ekki nægilega góð. Undir lokin setti Norwich allt í sóknina sem varð til þess að Blackburn tókst að innsigla sigurinn með öðru marki, þvert gegn gangi leiksins.

Blackburn er í þriðja sæti með 39 stig eftir þennan dýrmæta sigur á meðan Norwich situr eftir með 35 stig.