Varnarmaðurinn öflugi Sigurður Arnar Magnússon er búinn að framlengja samning sinn við ÍBV um eitt ár og leikur því aftur með Eyjamönnum í Bestu deildinni næsta sumar.
Sigurður Arnar er 23 ára gamall og hefur verið mikilvægur hlekkur í röðum Eyjamanna undanfarin ár. Hann er uppalinn í Vestmannaeyjum og á yfir 100 meistaraflokksleiki að baki fyrir ÍBV þrátt fyrir ungan aldur.
Sigurður hefur leikið sem varnarmaður með ÍBV en í haust prófaði hann að spila á miðjunni undir lok Íslandsmótsins og stóð sig frábærlega þar sem hann skoraði tvennu í dýrmætum sigri gegn Fram. Það verður athyglisvert að fylgjast með hvort hann verði notaður aftur á miðjunni á næstu leiktíð eða hvort hann velji frekar að halda sig við varnarlínuna.
„ÍBV fagnar fréttum þessum og hlakkar til næsta tímabils," segir í yfirlýsingu ÍBV.
