Hudson-Odoi á 18 mánuði eftir af samningi sínum við Chelsea og enska félagið vill halda honum. Sagt er að félagið hafi boðið honum nýjan samning sem færi honum 70 þúsund pund í vikulaun en spiltíminn er aðalatriðið í huga leikmannsins.

Hasan Salihamidzic, íþróttastjóri Bæjara, sagði það hreint út á fréttamannafundi í Katar í síðustu viku að félagið vilji fá Hudson-Odoi.

Þetta útspil Þýskalandsmeistarana vakti ekki mikla kátinu hjá Maurizio Sarri, stjóra Chelsea.

„Þetta er ekki faglegt. Þeir eru að tala um leikmann sem er samningsbundinn Chelsea. Þetta er óvirðing við félagið að mínu mati," segir Sarri en hann hefur spilað Hudson-Odoi í þremur síðustu leikjum.