„Ég vil ekki setja meiri pressu á Callum eða einhvern af öðrum leikmönnum mínum með því að tala um hluti sem í raun og veru skipta ekki máli," segir Howe.

„Ég mæli með því fyrir hann að einbeita sér að því að standa sig hér hjá Bournemouth."

Wilson hefur misst af síðustu tveimur leikjum Bournemouth vegna nárameiðsla. Hann er mættur til æfinga á ný en ekki er ljóst hvort hann spili gegn West Ham um helgina.

Leikurinn verður klukkan 15:00 á morgun en þess má geta að Javier Hernandez er orðinn leikfær hjá West Ham og gæti komið við sögu í leiknum.