„Þegar rætt er um mikilvægi þeirra fyrir sín lið, þá er hægt að rökstyðja að baráttan sé jöfn. En ef þú berð þá saman og skoðar tölfræðina þá sópar Casemiro þeirri baráttu," segir Ferdinand, sem er fyrrum varnarmaður United, í hlaðvarpsþætti sínum.

Ferdinand telur að Partey hefði ekki skilað sambærilegu starfi á miðju United og Casemiro hefur gert.

„Alls ekki. Ég tel að Partey sé ekki nægilega góður varnarlega til að gera það sem Casemiro er að gera. Ég held að hann hefði ekki haft sömu áhrif varnarlega," segir Ferdinand sem hrósar þó Partey.

„Með boltann er Partey að gera meira. Hann stýrir spilinu hjá Arsenal. Sendingagetan hans hefur verið mögnuð."

Samkvæmt Opta hefur Casemiro skapað fleiri tækifæri og átt fleiri tæklingar en Partey. En Partey hefur unnið boltann 116 sinnum, oftar en Casemiro. Þá er hann með meiri nákvæmni í sendingum.

Casemiro gekk í raðir Man United frá Real Madrid í sumar. Hann hefur átt fimm stoðsendingar og tvö mörk í 27 leikjum fyrir Rauðu djöflana á þessu tímabili.

Partey hefur haft mikil áhrif á Arsenal sem er á toppi ensku úrvalsdeildarinnar með átta stiga forystu.

Ef Casemiro fær gult spjald gegn Crystal Palace í kvöld þá verður hann í banni gegn Arsenal á sunnudaginn.