Paris Saint-Germain fær rúmlega 1,5 milljarð íslenskra króna (8,8 milljónir punda) fyrir að taka æfingaleik við úrvalslið Sádi-arabísku deildarinnar samkvæmt fréttum.
Umræddur leikur fer fram á morgun og hefur mikið verið fjallað um þátttöku Cristiano Ronaldo sem gekk í raðir Al-Nassr í síðasta mánuði. Ronaldo og Lionel Messi munu mögulega mætast í síðasta sinn.
Umræddur leikur fer fram á morgun og hefur mikið verið fjallað um þátttöku Cristiano Ronaldo sem gekk í raðir Al-Nassr í síðasta mánuði. Ronaldo og Lionel Messi munu mögulega mætast í síðasta sinn.
PSG tapaði 325 milljónum punda á síðasta tímabili og þessi peningur frá Sádunum því kærkominn.
Ronaldo verður fyrirliði úrvalsliðsins á morgun en það er skipað leikmönnum frá Al-Nassr og Al-Hilal. Þetta verður fyrsti leikur Portúgalans síðan hann kom til Sádi-Arabíu.
Einn viðskiptamaður frá Sádi-Arabíu borgaði 2,2 milljónir punda fyrir sérstakan 'gullmiða' á leikinn en hann fær óskertan aðgang að öllu á leikvangnum og fær meira að segja að heilsa upp á þá Ronaldo og Messi.
Athugasemdir