Michael Olise bjargaði stigi fyrir Crystal Palace gegn Manchester United þegar hann skoraði beint úr aukaspyrnu í uppbótartíma í kvöld.
Það hefur lítið gengið upp að undanförnu hjá Palace en Wilfried Zaha leikmaður liðsins var stoltur af frammistöðunni í kvöld.
„Við vitum að við erum með hæfileikana. Stjórinn hefur verið að tönglast á því að berjast og það skilar sér að lokum eins og sýndi sig í dag," sagði Zaha.
Hann var nálægt því að gera út um leikinn á síðustu sekúndunum þegar hann var kominn einn á móti David de Gea en Aaron Wan-Bissaka vann frábærlega til baka og náð boltanum af Zaha.
„Þegar ég leit til baka hugsaði ég bara: Guð minn góður þetta er Aaron [Wan-Bissaka].' Hann er sá eini sem getur framkvæmt svona tæklingu," sagði Zaha.
Athugasemdir
