Skagamenn unnu dramatískan sigur á Víkingi Ólafsvík í fyrsta leik dagsins í Lengjubikarnum. Leikið var í Akraneshöllinni.

Hallur Flosason opnaði leikinn með marki strax á þriðju mínútu en fleiri urðu mörkin ekki í fyrri hálfleik.

Fjörið byrjaði snemma í síðari hálfleik því Guðmundur Steinn Hafsteinsson jafnaði fyrir Ólafsvíkinga á 49.mínútu og kom þeim svo í forystu skömmu síðar. Skagamenn gáfust hinsvegar ekki upp því tvö mörk á síðustu tíu mínútum leiksins færðu þeim sigur.

Þess má til gamans geta að allir 18 í leikmannahópi ÍA í dag eru uppaldir hjá félaginu.