Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 18. mars 2019 09:30
Ívan Guðjón Baldursson
Barcelona hefur ekki áhuga á Griezmann
Powerade
Mynd: Getty Images
Mynd: Getty Images
Mynd: Getty Images
Mynd: Getty Images
Landsleikjahléð er farið af stað og því verður eitthvað minna að frétta á næstu dögum. Slúðrið er þó á sínum stað, tekið saman af BBC.



Antoine Griezmann er búinn að bjóða nokkrum knattspyrnufélögum þjónustu sína og þar á meðal er Barcelona. Katalónska félagið vill þó ekki kaupa sóknarmanninn knáa. (ESPN)

Roman Abramovich gæti nýtt landsleikjahléið til að reka Maurizio Sarri úr stjórastólnum hjá Chelsea. (Express)

James Rodriguez, 27, vill ekki vera áfram í München eftir að lánssamningur hans við Bayern rennur út í sumar. (Marca)

Real Madrid ætlar að krækja í Christian Eriksen, 27, sem hefur lengi dreymt um að spila fyrir spænsku risana. Samningur hans við Tottenham rennur út sumarið 2020. (Express)

Njósnarar Tottenham hrifust af Jota, 19 ára sóknarmanni Benfica. Þeir horfðu á hann spila í sigri gegn Dinamo Zagreb í 16-liða úrslitum Evrópudeildarinnar. (A Bola)

Chelsea gæti haldið Callum Hudson-Odoi, 18, í sumar ef Eden Hazard, 28, verður seldur. Hudson-Odoi er samningsbundinn til 2020 og eftirsóttur af Bayern. (Sun)

AC Milan hefur áhuga á Richarlison, 21, en tímir ekki 60 milljónum punda fyrir hann. (Calciomercato)

Joao Felix, 19, segist vera ánægður hjá Benfica þrátt fyrir áhuga frá Manchester United, Chelsea og Liverpool. Þeir síðastnefndu buðu 61 milljón punda í sóknarmanninn en því var hafnað. (Marca)

Liverpool er í viðræðum við Benfica um möguleg metkaup. Portúgalski miðvörðurinn Francisco Reis Ferreira, 21, gæti verið á leið til Liverpool fyrir hærri upphæð en Virgil van Dijk. (Record)

Verið er að reyna að breyta nafni White Hart Lane lestarstöðvarinnar í Tottenham Hotspur. (Guardian)

Daniel Levy forseti Tottenham segir félagið geta eytt pening í sumar þrátt fyrir byggingu nýs leikvangs. (ESPN)

Jürgen Klopp hefur engan áhuga á að taka við Bayern München, hann segir framtíð sína vera hjá Liverpool. (Liverpool Echo)

Arsenal er að íhuga að ráða Marc Overmars sem yfirmann knattspyrnumála eftir að hafa mistekist að landa Monchi, sem hélt til Sevilla í gær. (Telegraph)

Juventus er reiðubúið til að bjóða í Alexis Sanchez, 30, en kantmaðurinn þyrfti að taka á sig launalækkun til að spila fyrir ítölsku risana. (Calciomercato)

Inter hefur sagt við Real Madrid að félagið vill 80 milljónir evra fyrir Mauro Icardi, 26. Icardi hefur ekki spilað fyrir Inter síðan fyrirliðabandið var tekið af honum í síðasta mánuði. (AS)

Newcastle er tilbúið til að bjóða Rafael Benitez bættan samning svo hann yfirgefi ekki félagið í sumar. (Chronicle)

Arsenal, West Ham og Inter hafa áhuga á Antonio Valencia, 33 ára hægri bakverði Man Utd. (El Universo)

Luis Suarez, 32, segir að Steven Gerrard hafi sannfært sig um að hafna Arsenal til að vera áfram hjá Liverpool sumarið 2013. (Star)

UEFA mun setjast niður með stjórnendum helstu félaga Evrópu og ræða mögulegar breytingar á leikdögum í Meistaradeildinni. Evrópska knattspyrnusambandið vill láta leiki spilast um helgar. (Telegraph)
Athugasemdir
banner
banner
banner
banner