Það átti sér stað óhugnalegt atvik í leik Napoli og Udinese í ítölsku úrvalsdeildinni í gærkvöldi þegar David Ospina, markvörður Napoli, hneig niður.
Ospina þekkja flestir knattspyrnuáhugamenn en hann er á láni hjá Napoli frá Arsenal.
Markvörðurinn fékk skurð á hausinn í upphafi leiksins eftir árekstur við Ignacio Pussetto, leikmann Udinese. Ospina fékk aðhlynningu frá sjúkraþjálfurum og voru settar sáraumbúðir utan um hausinn á honum. Hann hélt síðan áfram að spila.
Stuttu eftir það féll hann til jarðar og á vellinum þegar enginn var nálægt.
Napoli hefur nú staðfest það að Ospina hafi farið í sneiðmyndatöku sem að hafi komið vel út. Hann verður þó á sjúkrahúsi í að minnsta kosti sólarhring.
David Ospina's collapse after kick in the head by Udinese player. pic.twitter.com/eZZwGgip4D
— Billy™ (@MonsignorBilly) March 17, 2019
Athugasemdir