Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   mán 18. mars 2019 09:00
Arnar Helgi Magnússon
Rooney setti þrennu í stórsigri DC United
Mynd: Getty Images
Wayne Rooney skoraði sína fyrstu þrennu í MLS-deildinni þegar lið hans, DC United, mætti Real Salt Lake um helgina.

Leiknum lauk með 5-0 sigri DC United og var það Rooney sem skoraði fyrsta mark leiksins úr vítaspyrnu á 34. mínútu leiksins.

Hann bætti öðru marki við stuttu fyrir hálfleik áður en að hann fullkomnaði þrennuna þegar tuttugu mínútur voru liðnar af síðari hálfleik.

DC er á toppi Austur-deildarinnar þegar þrjár umferðir eru búnar, með sjö stig.

Wayne Rooney hefur verið í vandræðum í einkalífinu en hann var handtekinn ölvaður á almannafæri í desember og hefur hjónaband hans og Coleen Rooney verið mikið til umræðu eftir atvikið og fjölmiðlar vestan hafs velta því nú fyrir sér hvort að skilnaður sé í uppsiglingu.
Athugasemdir
banner
banner
banner
banner