Anna Rakel Pétursdóttir og stöllur hennar í Linköpings FC hófu í gær keppni í Damallsvenskan, efstu deild í Svíþjóð, þegar Linköpings tók á móti Vaxsjö á heimavelli.

Leiknum lauk með öruggum sigri heimakvenna 5-0.

Rakel spilaði allan leikinn og átti stoðsendingu í fyrsta markinu strax á fjórðu mínútu. Góð byrjun hjá Rakel og liðinu hennar.

Næsti leikur liðsins er í Stokkhólmi næsta mánudag við Djurgarden.

Hjá Djurgarden leika þær Guðbjörg Gunnarsdóttir, Guðrún Arnardóttir og Ingibjörg Sigurðardóttir.