Fjölmiðlar í Sevilla greina frá því í dag að Victor Camarasa ætli sér ekki að vera áfram í Cardiff og hafi neitað boði um það að vera áfram hjá liðinu eftir leiktíðina.

Hann á einnig að hafa neitað sama boði sem bauðst honum í janúar.

Camarasa er á láni hjá Cardiff frá Real Betis og ætlar sér ekki að snúa til baka til Betis eftir lánssamninginn.

Camarasa stefnir að því að halda áfram að leika í úrvalsdeildinni. Lið eins og Tottenham, Leicester og West Ham eru sögð hafa áhuga á leikmanninum.

Camarasa hefur skorað fimm mörk og lagt önnur fjögur upp fyrir Cardiff á leiktíðinni.