Páskarnir byrja vel hjá íslensku þjálfurunum í færeyska boltanum því HB Þórshöfn og NSÍ Runavík unnu heimaleiki sína í dag.
Lærisveinar Heimis Guðjónssonar í HB höfðu betur í hörkuleik gegn AB Argir. Gestirnir jöfnuðu þrisvar sinnum en HB vann að lokum 4-3. Adrian Justinussen var hetja HB og skoraði tvö síðustu mörk liðsins.
Brynjar Hlöðversson lék allan leikinn í liði HB sem er í fimmta sæti, með níu stig eftir sex umferðir.
Guðjón Þórðarson náði þá í þrjú stig gegn Ítróttarfélagi Fuglafjarðar þrátt fyrir að hafa verið 0-1 undir í hálfleik.
NSÍ skoraði þrjú mörk í síðari hálfleik og er í fjórða sæti, með einu stigi meira en HB. AB og ÍF verma botnsæti deildarinnar.
HB Þórshöfn 4 - 3 AB Argir
NSÍ Runavík 3 - 1 ÍF
Athugasemdir