Selfoss tapaði 2-3 gegn liði Aftureldingar í Mosfellsbæ í dag og verða því ekki í pottinum þegar dregið er í 32-liða úrslitum Mjólkurbikars karla í næstu viku. Ingi Rafn Ingibergsson fyrirliði var afar ósáttur að hafa ekki fengið neitt út úr leiknum í dag „ Já svekkjandi niðurstaða því okkur fannst við spila bara ágætis fótbolta. Þeir stjórnuðu leiknum alveg meira en við en náðu samt ekki að spila oft í gegnum okkur. Við vorum hættulegir og mér fannst við eiga skilið að fá meira út úr þessu"
Selfoss leikur í 2.deildinni í sumar eftir fall úr Inkasso í fyrra. Ingi Rafn telur liðið gott og að félagið sé á réttri leið „Við erum svo sem ekkert búnir að setjast niður og vera með einhver yfirlýst markmið en við ætlum í alla leiki til að vinna og í dag stöndum við í góðu liði sem er deild fyrir ofan þannig ef við spilum svona erum við líklegir til að vera ofarlega í sumar"
Nánar er rætt við Inga í viðtalinu hér að ofan.
Athugasemdir