Senegalski landsliðsmaðurinn hefur verið orðaður í burtu og Real Madrid hefur verið orðað við kappann. Mane virðist vera allur á því að vera áfram hjá Liverpool.

„Ég ætla að verða goðsögn, ekki eingöngu hjá Liverpool. Ég ætla mér að setja mitt mark á úrvalsdeildina í heild sinni og sögu hennar. Það er markmið mitt," sagði Mane í viðtali við LFC Magazine.

„Ég ætla mér að gera allt sem í mínu valdi stendur til að ná því."

„Að ná að spila hundrað leiki fyrir Liverpool er frábært og hefur mikla þýðingu fyrir mig."

„Ég er mjög ánægður að spila fyrir félagið og alla daga nýt ég mín. Ég geri allt sem ég get til þess að félagið sigri"