Þetta er ekki auglýsing fyrir Earl Grey eða Pickwick. Þetta er samantekt fyrir síðustu leiki ársins í ensku úrvalsdeildinni.

Stöðuna í deildinni, allir leikir liðanna í topp- og Meistaradeildarbaráttunni sem og fallbaráttan tekin fyrir hér að neðan.

Toppbaráttan
Mikil barátta er um toppsætið, enska meistaratitilinn. Liverpool leiðir en Manchester City er aðeins tveimur stigum á eftir og á leik til góða. City tekur á móti Tottenham um helgina og fer svo í heimsókn á Old Trafford í miðri viku. Ef liðið vinnur báða þá leiki þá verður að teljast ansi líklegt að liðið klári rest og landi titlinum.

Liverpool hefur gert sitt í baráttunni, liðið kláraði Chelsea sannfærandi um síðustu helgi. Liðið mætir fallbaráttuliði Cardiff á útivelli um helgina sem gæti verið snúið en Liverpool hefur sýnt fagmennsku og ætti því að klára þann leik. Meistaradeildin truflar City ekki meira, hvað varðar leikjaálag í það minnsta. Liverpool mætir Barcelona í hörku leikjum.

Meistaradeildarbaráttan
Tottenham, Arsenal, Chelsea og Man Utd berjast öll um þriðja og fjórða sætið. Ef að Tottenham klárar Meistaradeildina þarf liðið ekki að treysta á árangur í deildarkeppninni til þess að komast í Meistaradeildina. Sigur þar kemur liðinu beint í Meistaradeildina að ári. Klári Chelsea eða Arsenal Evrópudeildina fer það lið einnig beint í Meistaradeildina.

Fari svo að Tottenham vinni Meistaradeildina og endi fyrir neðan fjórða sæti og Chelsea eða Arsenal vinni Evrópudeildina og endi einnig yfir neðan fjórða sætið þá mun fjórða sætið einungis gefa Evrópudeildarsæti.

Manchester United á líklega erfiðasta leikjaplanið eftir ef frá eru talin möguleg ferðalög og leikjaálag á Evrópudeildarliðin Chelsea og Arsenal en þau fara líklegast áfram í undanúrslitin í kvöld. United á bæði eftir að mæta Chelsea og City.

Fallbaráttan
Cardiff gerði mjög vel í vikunni og vann Brighton í innbyrðis leik liðanna. Aron Einar var einn af bestu mönnum vallarins og gífurlega mikilvægt að hann sé heill fyrir síðustu fjóra leiki Cardiff.

Brighton hefur tveggja stiga forskot og á eftir að leika einum leik fleira en Cardiff. Brighton hefur hins vegar verið að spila afskaplega illa og tapað fjórum leikjum í röð í deildinni.