lau 18. maí 2019 21:51
Ívan Guðjón Baldursson
Myndband: Guardiola skammaði Sterling eftir sigurinn
Mynd: Getty Images
Raheem Sterling átti góðan leik eins og allt Manchester City liðið í 6-0 sigri gegn Watford í úrslitaleik enska bikarsins.

Sterling hélt hann hefði skorað þrennu í leiknum en enska knattspyrnusambandið skráði annað mark leiksins á Gabriel Jesus.

Skot Gabriel Jesus var við marklínuna þegar Sterling potaði knettinum í netið. Eftir að hafa skoðað atvikið á myndbandi var markið skráð á Jesus.

Pep Guardiola fór til Sterling eftir lokaflautið og hafði eitthvað að segja við hann. Samtalið vakti athygli og var Sterling ekki lengi að deila innihaldinu með fylgjendum sínum á Twitter.

„Hann sagði bara að ég hefði ekki átt að reyna að stela fyrsta markinu," skrifaði Sterling á Twitter.







Athugasemdir
banner
banner
banner
banner
banner