Átta leikir fara fram í dag í lokaumferð spænsku La Liga. Fjórir leikir verða í beinni útsendingu á sportrásum Stöð2. Alla leikina og stöðuna í deildinni má sjá neðst í fréttinni.

Dagskráin hefst klukkan 11:00 þegar Levante fær Atletico Madrid í heimsókn. Levante getur í besta falli endað í tólfta sæti og í versta falli í því sautjánda. Það hefur verið ljóst í nokkrar vikur að Atletico mun enda í öðru sæti deildarinnar.

Fjórir leikir hefjast klukkan 14:15 og þrír þeirra eru í beinni útsendingu. Valencia og Getafe hafa bæði 58 stig og Sevilla hefur 56 stig. Liðin sitja í 4.-6. sæti deildarinnar og berjast um síðasta Meistaradeildarsætið í þessari lokaumferð.

Girona þarf að sigra Alaves og Celta Vigo að tapa gegn Vallecano svo að Girona haldi sæti sínu í deildinni á kostnað Celta.

Innbyrðisviðureignir þeirra enduðu samanlagt 4:4. Sigri Girona og Celta tapar þarf Girona að snúa markahlutfallinu sér í vil. Girona er eins og er sex mörkum verr sett heldur en Cetla og þarf því á ótrúlegum úrslitum að halda.