mán 18. maí 2020 22:00
Sæbjörn Þór Þórbergsson Steinke
Heimild: MBL 
Andrea Mist á leið í FH
Mynd: Fótbolti.net - Sævar Geir Sigurjónsson
Andrea Mist Pálsdóttir, sem hefur leikið með Þór/KA allan sinn feril á Íslandi, er á leið í FH samkvæmt heimildum mbl.is. Andrea gekk í raðir ítalska félagsins Orobica í vetur og samningur hennar þar rennur út á næstu dögum og er henni þá frjálst að semja við annað félag.

Heimildir mbl.is herma að tilkynnt verði um félagaskiptin á miðvikudag. FH er nýlíði í efstu deild en liðið hafnaði í öðru sæti Inkasso-deildarinnar á síðustu leiktíð.

Hin 21 árs gamla Andrea hefur spilað 3 A-landsliðsleiki fyrir Ísland og hún hefur alls skorað fjórtán mörk í 97 leikjum í efstu deild.

Komnar í FH:
Birta Georgsdóttir frá Stjörnunni
Hrafnhildur Hauksdóttir frá Selfossi
Sigríður Lára Garðarsdóttir frá ÍBV
Svanhildur Ylfa Dagbjartsdóttir frá HK/Víkingi

Athugasemdir
banner
banner
banner
banner