FC Seoul er eitt af stærstu félagsliðum Suður-Kóreu og vann efstu deild þar í landi þrisvar síðasta áratug. Liðið endaði þá í öðru sæti í asísku Meistaradeildinni 2013.
Suður-kóreska deildin er farin af stað og er spilað fyrir luktum dyrum en FC Seoul hefur tekið uppá því að koma fyrir gínum í stað áhorfenda uppi í stúku þegar liðið á heimaleiki.
Gínurnar voru klæddar upp í föt og héldu ýmist á spjöldum eða voru með hendur á lofti.
Þegar betur var að gáð kom í ljós að þetta voru ekki gínur heldur kynlífsdúkkur. Það sást sérstaklega á einni dúkkunni sem skar sig út frá hinum á brjóstastærðinni.
Kóreskir fjölmiðlar fjölluðu um málið og hefur félagið beðist afsökunar á mistökunum. Félagið skellti þó sökinni á birgirinn sem var snöggur að benda aftur á félagið.
Seoul vann leikinn 1-0 og er með þrjú stig eftir tvær umferðir. Liðið endaði í 3. sæti á síðustu leiktíð.
2016 K League winners FC Seoul inadvertently used sex dolls rather than fashion mannequins to help fill empty stands this weekend. The club has apologised. Both the club and the supplier are pointing fingers at others. (It's not just COVID-19 you need to avoid catching!) #kleague pic.twitter.com/59rSU8XxYL
— Devon Rowcliffe (@WhoAteTheSquid) May 17, 2020
Athugasemdir