„Fyrir meistaraflokk karla er Þjóðhátíð kannski á bilinu 10-15% af tekjunum. Það er ekki meira en það, þó að það sé auðvitað heilmikið" sagði Daníel í útvarpsþætti Fótbolta.net á X-inu

„Ef það verður ekki hefðbundin Þjóðhátíð þá verður það miklu meira högg fyrir barna og unglingastarf félagsins. Það eru lág æfingafjöld hér og ef þú æfir annað þá máttu æfa bæði. Þetta snýr miklu frekar að krakkasporti heldur en meistaraflokkunum."

Daníel segir einnig vera til skoðunar að fresta Þjóðhátíð í ár þar til í september ef rýmri reglur verða komnar um samkomur um þá.

Í viðtalinu á laugardaginn fór Daníel yfir stöðuna hjá ÍBV fyrir 1. deildina í sumar. Viðtalið byrjar eftir tæplega 53 mínútur.