Brasilíski markvörðurinn Ederson vann í kvöld gullhanskann annað tímabilið í röð en hann hefur haldið átján sinnum hreinu á þessari leiktíð.
Manchester City varð Englandsmeistari á dögunum en Ederson hefur verið mikilvægur í rammanum hjá liðinu síðustu fjögur árin.
Hann var búinn að halda átján sinnum hreinu fyrir leikina í kvöld en hann fékk á sig mark í byrjun síðari hálfleiks.
Það hafði þó ekki áhrif á baráttu hans um gullhanskann því Edouard Mendy, sem var búinn að halda hreinu í sextán leikjum á tímabilinu, fékk á sig mark í 2-1 sigrinum á Leicester.
Hann á því ekki möguleika á að ná Ederson sem vinnur gullhanskann annað árið í röð.
Athugasemdir