Stjarnan hefur verið mjög hikstandi sóknarlega í fyrstu fjórum umferðum deildarinnar og einungis skorað tvö mörk. Hilmar skoraði annað þeirra og lagði hitt upp.

Hann var til umræðu í Innkastinu í gær þegar umferðin var gerð upp. Stjarnan mætti ÍA á Akranesi í gærkvöldi.

„Hilmar Árni klikkar á dauðafæri í leiknum. Hann er ekki að finna sig," sagði Gunnar Birgisson.

„Mark og stoðsending í síðasta leik samt, gleymum því ekki," sagði Elvar Geir Magnússon.

„Já, þetta er einhvern veginn ekki sami Hilmar Árni og maður á að þekkja," sagði Gunni Birgis.

„Kannski er það að það er ekki kveikt á mönnum í kringum hann," sagði Elvar.

„Það er bara 100% það," sagði Gunni Birgis.

Stjarnan er með tvö stig í 10. sæti deildarinnar. Umræða um leik ÍA og Stjörnunnar hefst á 17. mínútu í spilaranum hér fyrir neðan. Stjarnan mætir Breiðabliki næsta föstudag.

Lestu um leikinn: ÍA 0 - 0 Stjarnan