Rúnar Már var í byrjunarliði Cluj gegn Botosani í kvöld en sigurmarkið kom á 53. mínútu. Andrei Burca gerði markið en Rúnar Már fór af velli þegar stundarfjórðungur var eftir af leiknum.

Úrslitin þýða það að Cluj vinnur deildina fjórða árið í röð en Rúnar gekk í raðir félasins frá Astana í febrúar.

Rúnar varð bikarmeistari með liðinu um miðjan apríl og fagnaði svo deildarmeistaratitlinum í kvöld.

Hann hefur spilað tólf leiki, skorað þrjú mörk og lagt upp eitt í rúmensku deildinni á þessu tímabili en liðið mætir Steaua Búkarest í lokaumferðinni.