Didi Hamann, fyrrum landsliðsmaður Þýskalands og fyrrum leikmaður Liverpool, er virkilega hrifinn af íslenska landsliðinu.
Hamann er að vinna sem sérfræðingur hjá RTE Sport í kringum HM og hann hrósaði þar Íslandi áður en leikurinn við Argentínu hófst á laugardag. Leikurinn endaði 1-1.
Hamann er að vinna sem sérfræðingur hjá RTE Sport í kringum HM og hann hrósaði þar Íslandi áður en leikurinn við Argentínu hófst á laugardag. Leikurinn endaði 1-1.
„Þegar þú ert með leikmenn sem eru ekki eins góðir tæknilega og leikmennirnir í hinu liðinu þá verður að bæta fyrir það og þeir gera það með því að hlaupa meira en andstæðingurinn og spila á líkamlegum styrk," sagði Hamann. „Leikmenn Íslands gefa þér ekki frið í eina sekúndu."
„Það voru allir hrifnir af því sem þeir gerðu á EM. Fólk hélt að þetta væri eitthvað sem myndi bara gerast einu sinni, en þeir hafa sannað að svo sé ekki."
Næsti leikur Íslands er við Nígeríu á föstudaginn og vonandi heldur veislan áfram þá.
Athugasemdir