Lærisveinar Guðjóns Þórðarson náðu loksins að vinna sinn fyrsta sigur í 2. deildinni í kvöld er þeir fengu Magna í heimsókn.

Víkingur Ólafsvík hefur litið illa út í upphafi sumars og voru fyrir leikinn í dag aðeins með tvö stig og þrjú mörk skoruð úr sex leikjum.

Bjartur Bjarmi Barkarson kom Ólsurum yfir eftir hálftíma leik í dag, en Kristófer Óskar Óskarsson jafnaði strax fyrir Magna. Staðan var 1-1 í hálfleik.

Guðjón fór vel yfir málin í hálfleik og Ólsarar völtuðu fyrir Grenvíkinga í seinni hálfleiknum. Bjartur Bjarmi Barkarson skoraði sitt annað mark og gerði Andri Þór Sólbergsson tvö mörk. Adrian Sanchez gerði svo fimmta markið.

Lokatölur 5-1 og eru Ólsarar komnir með sinn fyrsta sigur, þeir er núna með fimm stig í níunda sæti. Það gengur ekki vel hjá Magna og eru þeir í fallsæti, í 11. sæti með fjögur stig. Óvænt staða sem er komin upp hjá liði sem var í Lengjudeildinni fyrir ekki svo löngu.

Magnamennn eru búnir að fá á sig langflest mörk, 22 talsins í sjö leikjum. Þetta er ekki þeirra fyrsti skellur í sumar.

Önnur úrslit:
2. deild: Ægismenn á góðri siglingu - Sjötti sigurinn kom gegn KF