Það var stór stund fyrir fótboltafélagið Fram í dag því í fyrsta sinn fór fram leikur á nýjum og glæsilegum heimavelli liðsins í Úlfarsárdal.

Félagið er búið að bíða lengi eftir þessari stund, að spila fótboltaleik á þessu nýja svæði sínu.

Nýr heimavöllur félagsins er stórglæsilegur og tekur 1600 manns í sæti. Vígsluleikurinn var í dag þegar Fram tók á móti KH í 2. deild kvenna.

Fram byrjar vel á þessum velli því þeirra lið vann 3-2 sigur í stórskemmtilegum leik. Jessica Grace Kass Ray var öflug í liði Fram og skoraði tvennu í þessum fyrsta heimaleik liðsins á nýjum velli.

Karlalið Fram leikur sinn fyrsta heimaleik á vellinum er þeir fá ÍBV í heimsókn á mánudaginn.

Haflliði Breiðfjörð var á vellinum og tók myndirnar sem fylgja þessari frétt.