Þessi fyrrum leikmaður Juventus, Sevilla og Palermo lagði skóna á hilluna árið 2017 og snéri sér að þjálfun en hann var aðstoðarþjálfari hjá Ascoli, Sevilla og West Ham áður en hann hélt til Manchester City.

Hann stýrði þar U23 ára liði félagsins eitt tímabil áður en hann fékk tækifæri til að þjálfa aðallið Parma í Seríu B.

Maresca entist ekki lengi hjá Parma og var látinn fara í nóvember á síðasta ári en nú er hann að snúa aftur til Man City.

Juanmo Lillo, aðstoðarmaður Pep Guardiola, hætti á dögunum og tók við Al Sadd í Katar. Maresca mun því koma inn í stað Lillo en þetta segir Di Marzio á vef sínum í dag.