Þessi 23 ára gamli leikmaður gerir fimm ára samning við félagið.

Nketiah skoraði fimm mörk í 21 leik í ensku úrvalsdeildinni á síðustu leiktíð. Hann fékk aðeins meira traust eftir áramót og var að spila nokkuð vel rétt áður en tímabilið kláraðist.

Það er talað um það á football.london að Nketiah muni fá nýtt númer fyrir næstu leiktíð í kjölfarið á þessum nýja samningi. Þetta tiltkekna númer á sér ríka sögu hjá Arsenal.

Hann mun fá treyju númer 14 en Thierry Henry er hvað þekktastur fyrir að bera þetta númer á baki sínu hjá félaginu. Henry er einn besti leikmaður í sögu Arsenal.

Síðasti leikmaðurinn til að bera þetta númer var Pierre-Emerick Aubameyang sem yfirgaf félagið í janúar.