Dembele, sem er 25 ára gamall, er með mörg járn í eldinum sem stendur en samningur hans við Barcelona rennur út um mánaðarmótin.

Hann hefur ekki viljað gefa mikið upp um framtíð sína en enskir fjölmiðlar hafa haldið því fram að hann sé á leið til Chelsea.

Franskur maður var á rúntinum í París er hann rakst á Dembele og lagði fyrir hann nokkrar spurningar um framtíðina.

Dembele svaraði honum og sagðist vera ánægður hjá Barcelona og að hann væri ekki á leið til Chelsea.

„Mér líður vel hjá Barca," sagði svo Dembele áður en leiðir þeirra skildust, en myndband af þessu má sjá hér fyrir neðan.