Mario Balotelli er nú mættur aftur til æfinga hjá Nice en samningsviðræður við Marseille hafa gengið hægt undanfarið.
Balotelli hefur verið orðaður við Marseille í sumar en er nú mættur til æfinga hjá Nice og hafið undirbúningstímabilið.
Patrick Viera, nýr þjálfari Nice gagnrýndi Balotelli er leikmaðurinn mætti ekki á fyrstu æfingu sumarsins undir stjórn Viera. Svo virðist sem samningsviðræður við Marseille gangi ekki vel og því mætti framherjinn á æfingu í dag.
Balotelli hefur skorað 43 mörk í 66 leikjum fyrir Nice og hefur hægt og rólega verið að endurbyggja orðspor sitt eftir lægð undanfarin ár á Englandi og í heimalandinu.
Athugasemdir