Emmanuel Eli Keke átti góðan leik í vörn Víkinga frá Ólafsvík í sigri liðsins á Víkingi R. í 8.liða úrslitum Mjólkurbikarsins í knattspyrnu sem fram fór í Víkinni í kvöld.
Lestu um leikinn: Víkingur R. 0 - 1 Víkingur Ó.
„Tilfinningin er frábær, þetta var ekki auðveldur leikur að spila gegn liði úr efstu deild með mikil gæði. Þetta er bara mjög gott og að fara í undanúrslit ég er bara gríðarlega hamingjusamur með það.“
Sagði Eli Keke eftir leik um það hvernig honum liði eftir sigurinn.
Varnarmenn Ólafsvíkinga héldu sóknarmönnum heimamanna í skefjum allan leikinn og náðu heimamenn aldrei að skapa hættu eða færi gegn sterkri og skipulagðri vörn Ólafsvíkinga.
„Við höfðum stjórn á þeim allar 90 mínúturnar og þeir settu ekki mikið af hættulegum boltum á okkur. Við urðum að vera skýrir með hvað við vorum að gera og ég og liðsfélagar mínir í vörninni erum í stöðugum samskiptum og bökkum hvorn annan upp.“
Keke gekk til liðs við Ólafsvíkinga fyrir tímabilið og lék fréttaritara forvitni á að vita hvernig lífið á Ólafsvík væri fyrir hann.
„Lífið er kyrlátt ekki of margir bílar eins og hér í Reykjavík. Samstaðan, Ólafsvík er lítið samfélag og fólkið, allir brosa til þín og er nánara hvort öðru sem er gott fyrir mig sem knattspyrnumann því ég fæ ró til að einbeita mér að ferlinum.“
Sagði Eli Keke en nánar er rætt við hann í spilaranum hér að ofan.
Athugasemdir
