Víkingur Ólafsvík er þessa stundina að keppa við Víking Reykjavík í 8-liða úrslitum Mjólkurbikarsins. Staðan er markalaus þegar 20 mínútur eru eftir af venjulegum leiktíma.
Ólafsvíkingar leika í Inkasso-deildinni á meðan Reykvíkingarnir eru í Pepsi-deildinni og því er til mikils að vinna.
Fran Marmolejo, spænskur markvörður Ólafsvíkur, virðist átta sig fullkomlega á því eins og er hægt að sjá á meðfylgjandi myndböndum.
Fran er þrítugur og lék fyrir Jonköping í sænska boltanum áður en hann flutti til Ólafsvíkur í vor.
Markvörðurinn setti upp hálfgerðan leikþátt eftir minniháttar árekstur í eigin vítateig. Fyrri hlutann er hægt að sjá hér og þann síðari hér.
„Hahahaha spænski keeperinn í Ólafsvík gabbaði Arnar Björnsson. Það er ekkert að honum. Dómarar á Íslandi enn sofandi.... ég byrjaði að vara við þessu bulli í maí. Gerist í hverjum leik. Geggjaður leikþáttur og öskrin uppá 10," skrifaði Hjörvar Hafliðason á Twitter en hann hefur áður vakið máls á leikrænum tilþrifum markvarðarins.
Kannski að kóngurinn í Ólafsvík öskri aðeina hærra næst! Þvílíkur kóngur! pic.twitter.com/YYdVqy2ay8
— Hjörvar Hafliðason (@hjorvarhaflida) July 18, 2018
Halelúja kraftaverk á Stöð 2 Sport. Antonio Grave er nýr Benny Hinn. Þetta er það besta sem þú munt sjá á The Internet. Pure comedy. pic.twitter.com/kGDbsBNfbP
— Hjörvar Hafliðason (@hjorvarhaflida) July 18, 2018
Athugasemdir