Þrjú af sterkustu liðum Pepsi-deildar kvenna voru að ljúka mikilvægum leikjum í toppbaráttunni.
Breiðablik endurheimti toppsæti deildarinnar af Þór/KA með góðum sigri gegn Stjörnunni, sem hefur verið að dragast afturúr.
Selma Sól Magnúsdóttir gerði eina mark leiksins í Kópavogi eftir mistök Birnu Kristjánsdóttur í marki Stjörnunnar.
Blikar voru betri í bragðdaufum leik og verðskulduðu sigurinn. Stjarnan er í fjórða sæti, ellefu stigum eftir Blikum.
Valur heimsótti þá fallbaráttulið Selfoss og lenti undir í fyrri hálfleik. Erna Guðjónsdóttir gerði glæsilegt mark með skoti af 20 metra færi og héldu heimamenn forystunni út hálfleikinn.
Í síðari hálfleik tóku gestirnir að pressa stífar og stífar en lítið gekk gegn vel skipulagðri vörn Selfyssinga, þar til á lokamínútunum.
Valur fékk aukaspyrnu á hættulegum stað sem Fanndís Friðriksdóttir skaut í varnarvegginn. Þaðan barst boltinn út í teig til Pálu Marie Einarsdóttur sem sneri honum í netið með skemmtilegu skoti.
Meira var ekki skorað og sanngjarnt 1-1 jafntefli staðreynd. Valur er í þriðja sæti, sjö stigum frá toppnum. Selfoss er með níu stig, þremur stigum frá fallsæti.
Breiðablik 1 - 0 Stjarnan
1-0 Selma Sól Magnúsdóttir ('26)
Selfoss 1 - 1 Valur
1-0 Erna Guðjónsdóttir ('32)
1-1 Pála Marie Einarsdóttir ('87)
Athugasemdir