Það var frábært að klára þetta, sagði Sonný Lára Þráinsdóttir, markvörður og fyrirliði Breiðabliks, sem endurheimti toppsætið í Pepsi-deildinni eftir 1-0 sigur á Stjörnunni í kvöld.
Lestu um leikinn: Breiðablik 1 - 0 Stjarnan
„Við vorum að spila flottan bolta. Fengum færi og hefðum getað skorað fleiri, en eitt dugði í dag,“ bætti hún við og viðurkenndi að henni hefði þótt erfitt að fylgjast með leiknum úr markinu enda voru liðsfélagar hennar ekki nógu beittar upp við mark andstæðinganna í dag.
„Það hefði verið næs að fá annað mark til þess að róa þetta aðeins niður en þetta hafðist.“
Blikar eru á toppi deildarinnar þegar 10 umferðir eru búnar og Sonný er brött fyrir framhaldinu.
„Það er bara tilhlökkun. Einn leik í einu, halda áfram og hafa gaman,“ sagði Sonný Lára en næsta verkefni Blika er undanúrslitaleikur í bikarnum á laugardag.
Hægt er að horfa á allt viðtalið við fyrirliðann í sjónvarpinu hér að ofan.
Athugasemdir