Heimild: Sky
Enski framherjinn Daniel Sturridge segist ekki vera á förum frá Liverpool heldur ætlar hann sér að berjast fyrir sæti sínu í liði Jurgen Klopp í vetur.
Sturridge sem er 28 ára gamall hefur glímt mikið við meiðsli undanfarin ár og var lánaður til WBA á seinni hluta síðustu leiktíðar eftir að hafa byrjað aðeins fimm leiki á tímabilinu. Hjá WBA var hann svo meiddur meirihluta tímans.
Það er þó að birta til hjá honum því hann hefur spilað í öllum þremur leikjum Liverpool á undirbúningstímabilinu og þrátt fyrir að vera orðaður við Sevilla og Besiktas er ekkert fararsnið á honum.
„Ég sé fyrir mér að ég verði áfram hjá Liverpool og vonandi á ég sæti í liðinu í hverri viku," sagði framherjinn við Daily Mirror.
„Undirbúningstímabilið gengur vel svo ég þarf bara að halda áfram að byggja ofan á það. Ég er spenntur fyrir komandi tímabili og finnst frábært að vera kominn aftur."
Athugasemdir