Það er ekkert launungarmál að Laurent Koscielny vill yfirgefa herbúðir Arsenal. Franski miðvörðurinn neitaði að ferðast með liðsfélögum sínum til Bandaríkjana í síðustu viku.
Arsenal er sagt tilbúið að selja leikmanninn í sumar en Koscielny vill fá að fara frítt. Koscielny á eitt ár eftir af samningi sínum við Skytturnar.
Telegraph veltir fyrir sér hver sé líklegastur til að taka við fyrirliðabandinu en Koscielny bar það á síðustu leiktíð þegar hann var heill heilsu.
Arsenal er sagt tilbúið að selja leikmanninn í sumar en Koscielny vill fá að fara frítt. Koscielny á eitt ár eftir af samningi sínum við Skytturnar.
Telegraph veltir fyrir sér hver sé líklegastur til að taka við fyrirliðabandinu en Koscielny bar það á síðustu leiktíð þegar hann var heill heilsu.
Aaron Ramsey og Petr Cech hefðu verið líklegir valkostir en báðir hafa yfirgefið herbúðir Arsenal.
Granit Xhaka er sagður líklegastur til þess að taka við fyrirliðabandinu en hann bar bandið í fimm deildarleikjum á síðustu leiktíð. Aðrir sem koma til greina eru Mesut Ozil og Nacho Monreal.
Xhaka er eins og áður segir líklegastur. Emery segir hann leiðtoga í búningsklefanum og hann hefur borið fyrirliðabandið hjá Sviss undanfarin ár.
Athugasemdir