Rússneska félagið CSKA Moskva hafnaði 15 milljón punda tilboði frá Brentford í króatíska sóknartengiliðinn Nikola Vlasic en þetta kemur fram í rússneskum miðlum í dag.
Vlasic hefur komið að 43 mörkum í 81 deildarleik fyrir CSKA frá því hann kom frá Everton.
Frammistaða hans í Rússlandi hefur skilað honum föstu sæti í króatíska landsliðinu. Útlit er fyrir að hann yfirgefi CSKA í sumar.
Milan og Brentford hafa verið í viðræðum við CSKA en rússneska félagið hafnaði 15 milljón punda tilboði Brentford á dögunum.
Vlasic hefur engan áhuga á að spila aftur í ensku úrvalsdeildinni og vill komast til Ítalíu.
CSKA borgaði 15,7 milljónir punda fyrir Vlasic árið 2019.
Athugasemdir