Kantmaðurinn Facundo Pellistri fékk tækifæri með aðalliði Manchester United í æfingaleik gegn Derby County í dag. Hann nýtti tækifærið vel og skoraði annað mark United í 2-1 sigri.
Pellistri er aðeins 19 ára, en hann kom til Man Utd fyrir síðasta tímabil frá Peñarol í heimalandinu, Úrúgvæ.
Hann var lánaður til Alaves á Spáni seinni hluta síðustu leiktíð og þótti standa sig með ágætum. Eftir leikinn í dag sagðist Pellistri vilja vera áfram hjá Man Utd til að berjast um sæti í liðinu, en Ole Gunnar Solskjær, stjóri liðsins, er ekki sammála; hann telur að það sé best fyrir leikmanninn að fara á láni.
„Það er mikill áhugi á honum og það yrði honum fyrir bestu að fara á láni," sagði Solskjær eftir leikinn við Derby.
Solskjær hrósaði Pellistri fyrir innkomu sína í dag og sagði að hann væri erfiður leikmaður að spila á móti.
Verður Lingard áfram?
Jesse Lingard spilaði í æfingaleiknum í dag en miklar vangaveltur eru um framtíð hans. Hann var frábær á láni hjá West Ham á síðustu leiktíð og það eru sögur um að West Ham vilji kaupa hann í sumar.
„Hann er í plönunum hjá mér og býst ég við því að hann verði partur af leikmannahópnum þegar tímabilið fer af stað," sagði Solskjær um Lingard eftir leikinn í dag.
Sjá einnig:
Lingard í plönunum hjá Solskjær
Styttist í að Sancho verði kynntur hjá Man Utd
Athugasemdir