Rúnar Kristinsson þjálfari KR kom í viðtal eftir 1-1 jafnteflið við Blika í kvöld, hvernig horfði leikurinn við honum, stig unnið eða tvö töpuð?
„Það er allt í lagi að fá eitt stig hér í kvöld en ef eitthvað lið átti að vinna hér í kvöld voru það við fannst mér. Við komumst yfir og ég var ósáttur við markið sem við fáum á okkur sem er uppúr okkar horni þar sem þeir sækja svo hratt á okkur, er ósáttur við það."
„Það er allt í lagi að fá eitt stig hér í kvöld en ef eitthvað lið átti að vinna hér í kvöld voru það við fannst mér. Við komumst yfir og ég var ósáttur við markið sem við fáum á okkur sem er uppúr okkar horni þar sem þeir sækja svo hratt á okkur, er ósáttur við það."
Lestu um leikinn: KR 1 - 1 Breiðablik
KR hafði haft tök á leiknum í fyrri hálfleik og þar til þeir komust yfir í 1-0 stöðu. Féllu þá til baka, var það ósjálfrátt eða ákveðið?
„Við færðum okkur aftar en við erum góðir í því og við höfðum ekki áhyggjur og leið ágætlega með þá. Við vorum farnir að ræða það á bekknum að við gætum ekki dottið svona mikið niður þegar þeir jafna en það var ekki komin mikil hætta."
Með sigri hefði KR farið upp í 2. sætið og nálgast Val sem tapaði á Skaganum í gær. Höfðu þau úrslit áhrif á ykkur?
Nei, nei. Við erum sallarólegir, það er mikið eftir af þessu móti og stig er fínt í dag. Við vorum að spila við eitt besta lið á landinu. Við verðum að bera virðingu fyrir þeim og stigatöflunni þó við vildum auðvitað vera hærra."
Nánar er rætt við Rúnar í viðtalinu sem fylgir fréttinni.
Athugasemdir
