Glódís Perla Viggósdóttir, varafyrirliði Íslands, hefur átt mjög gott Evrópumót til þessa.
Hún er algjör lykilmaður í liði Íslands, er gríðarlega mikilvæg.
Á dögunum var talað um Glódísi í EM Innkastinu og þá var minnst á að hennar leikstíll minnti á Virgil van Dijk, miðvörð Liverpool.
„Ég ætla að stela líkingu kollega okkar, Óskars Ófeigs, um Glódísi. Hann sagði bara að þetta væri eins og að horfa á (Virgil) Van Dijk," sagði Sæbjörn Steinke.
Glódís var spurð út í þennan samanburð á fréttamannafundi í gær.
„Ég var ekki búin að sjá þetta," sagði Glódís. „Mér finnst hann frábær leikmaður og ætla bara að segja að það sé jákvætt."
Glódís verður í eldlínunni í dag þegar Ísland mætir Frakklandi í lokaleik sínum í riðlakeppninni á Evrópumótinu.
Athugasemdir