Brasilíumaðurinn Kenedy átti arfaslakan fyrri hálfleik í hádegisleik ensku úrvalsdeildarinnar sem nú stendur yfir á milli Cardiff og Newcastle.
Kenedy er á láni hjá Newcastle frá Chelsea, en hann fór í gegnum fyrri hálfleikinn án þess að klára eina einustu sendingu. Hann er fyrsti útileikmaðurinn í ensku úrvalsdeildinni frá 2010 sem tekst að gera það.
Kenedy var þá líka stálheppinn að fá ekki rautt spjald þegar hann sparkaði miðjumanninn Victor Camarasa niður en boltinn var ekki nálægt atvikinu.
Craig Pawson, dómari leiksins, var nálægt atvikinu en hann gaf Kenedy ekki einu sinni spjald.
Kenedy gat þarna prísað sig sælan, en spurning spurning er hvort atvikið verði tekið fyrir eftir leikinn og Kenedy fái þá bann.
Smelltu hér til að sjá myndband af atvikinu.
0 - Kenedy failed to complete a single pass in the first half against Cardiff City - he is the first outfield Premier League player to fail to complete a single pass in 45+ minutes of play since Nikola Kalinic against Birmingham City in March 2010. Passenger. pic.twitter.com/6EZbhRNI9B
— OptaJoe (@OptaJoe) August 18, 2018
Athugasemdir