Kluivert er 23 ára gamall og verið samningsbundinn Roma síðustu fjögur ár en hann eyddi síðustu leiktíð á láni hjá franska félaginu Nice.

Hollendingurinn er ekki í plönum Jose Mourinho og hefur félagið gefið honum grænt ljós á að finna sér nýtt félag.

Fulham hefur síðustu vikur verið í viðræðum við Roma og hafa þau komist að samkomulagi um að hann fari á lán til Lundúnarliðsins út þessa leiktíð. Fulham á möguleika á að kaupa hann fyrir 10 milljónir punda á lánstímanum.

Brighton er þá opið fyrir því að selja franska sóknarmanninn Neil Maupay í glugganum.

Maupay er 26 ára gamall og var markahæsti leikmaður Brighton á síðustu leiktíð. Fulham er í viðræðum um kaup á honum en hann á aðeins eitt ár eftir af samningi.

Everton er einnig með í baráttunni um Maupay.