Frank Lampard, stjóri Derby, hefur verið dæmdur til að greiða 2000 punda (290 þúsund króna) sekt eftir að hann var rekinn upp í stúku í leiknum gegn Rotherham um síðustu helgi.
Lampard var rekinn upp í stúku fyrir að mótmæla dómi í síðari hálflei í leiknum á laugardaginn.
Reglur enska sambandsins þýða að Lampard sleppur við leikbann en fær sekt. Annað brot eða alvarlegra brot hjá stjórum getur orðið til þess að þeir fái leikbann.
Lampard er í sínu fyrsta stjórastarfi en Derby er í augnablikinu í 7. sæti í ensku Championship deildinni.
Hann verður á sínum stað á hliðarlínunni þegar Derby mætir Blackburn í kvöld.
Athugasemdir