Íslendingalið Halmstad, í sænsku B-deildinni, er að spila vel þessa daganna.
Halmstad sótti GAIS heim í kvöld en hvorugur Íslendinganna í liði Halmstad byrjaði leikinn. Höskuldur Gunnlaugsson og Tryggvi Hrafn Haraldsson byrjuðu báðir á varamannabekknum.
Halmstad komst yfir á 26. mínútu en í upphafi seinni hálfleiks jafnaði GAIS, 1-1.
Það átti eitt mark eftir að koma í viðbót og það kom í hlut Halmstad að skora það, á 81. mínútu. Stuttu áður hafði Tryggvi Hrafn komið inn á. Höskuldur var ónotaður varamaður.
Halmstad hefur ekki tapað í síðustu fimm leikjum sínum og er liðið í fjórða sæti deildarinnar með 41 stig.
Af þessum fimm leikjum hefur liið sigraði fjóra. Þar áður hafði Halmstad unnið einn leik af átta.
Athugasemdir