Enski landsliðsmaðurinn skoraði sitt fyrsta mark fyrir Liverpool síðan hann kom frá Arsenal á 40 milljónir punda á gluggadeginum í 7-0 sigrinum gegn Maribor í Meistaradeildinni í gær.

Uxinn hefur aðeins spilað einn byrjunarliðsleik fyrir Klopp, bikarleik gegn Leicester.

„Það er mikil samkeppni í liðinu. Það er mikilvægur hluti á tímabilinu þar sem við viljum eiga góða byrjun og nokkur úrslit hafa ekki verið að falla með okkur. Allir eru að berjast fyrir sínu sæti og ég er tilbúinn þegar ég fæ tækifærið. Ég verð að halda áfram að þróa og læra nýjan leikstíl hér og venjast honum þegar ég fæ tækifæri," segir Oxlade-Chamberlain.

Liverpool tókst aðeins að landa einum sigri úr átta leikjum áður en stórsigurinn kom í Slóveníu í gær.

„Stjórinn sagði að þetta yrði erfiður leikur og við þyrftum að gefa 100% í hann. Ég tel að strákarnir hafi nákvæmlega gert það. Í hálfleik hélt hann áfram að tala um að við gætum gert enn betur. Við náðum að nýta næstum öll færin okkar og allt var að smella."