Newcastle Chronicle segir að Benítez hafi sent fyrirspurn til Liverpool varðandi sóknarmennina Divock Origi og Dominic Solanke en báðir hafa verið í vandræðum með að komast í liðið hjá Jurgen Klopp.

Origi hefur verið orðaður við Galatasaray og Everton en talið er að hann verði til sölu í janúarglugganum. Solanke verður líklega aðeins fáanlegur á lánssamningi.

Það gæti verið vandamál fyrir Newcastle sem er þegar með Kenedy og Salomon Rondon hjá sér á lánssamningum. Reglur ensku úrvalsdeildarinnar kveða á um að þeir geti aðeins fengið fleiri leikmenn úr efstu deild með kaupum.